goldwater

冠心病就係心血管阻塞，好多無良嘅醫生為咗賺錢會要你通波仔，因為手術最低消費係十幾萬起，但無良嘅醫生只會同你講，唔做通波好手術就會隨時有生命危險，唔會同病人解釋手術後嘅風險比手術前風險更大，長期藥費亦係好大嘅負擔；


稍後時間金水會講述一段經歷比大家分享，如果有類似情況，記住三思。

goldwater

如果有買醫療保，久唔久都會入醫院做吓檢查，六年前有個肥仔朋友成日覺得心口唔舒服，揾咗個心臟科醫生做咗個心臟造影，發現有條血管閉塞咗超過50%，經醫生建議做咗通波仔手術，連檢查住院及手術使費用咗大約12萬幾，有日我遇到呢個朋友，佢話好彩有買保險，如果唔係死咗都唔知乜嘢事，一輪咀講入院至到做手術嘅經過，建議我都去做過檢查，(因為當時金水嘅體重近200磅，有食煙飲酒習慣) ，還店有買保險，一於去做個檢查。

goldwater

兩個月後輪到我入院檢查，檢血檢尿例行公事，瞓一晚第二朝先來個運動心電圖，做埋個超聲波，醫生同我講，心電圖所見心律正常，而超聲波見到心嘅下半部有小小發大蹟像，但年紀大咗，都唔算係一個嚴重問題，聽完之後都安心啲。

goldwater

跟住落來就係做呢個心臟血管造影，呢個檢查係打一枝顯影劑嘅藥，然後用一個超聲波快速咁影低心臟血液經過嘅情況，然後將啲菲林沖哂出來，大約一小時後，醫生同我講解影到嘅情況：「金先生，影出來嘅結果比起你嘅朋友嚴重喎，佢有一條血管塞，而你就塞咗兩條！」
聽完醫生咁講，就問佢點解會咁嚴重？有乜嘢辦法？

goldwater

雖然人人都想賺錢，但呢個醫生幾有禮貎，佢建議我做過導管檢查會清楚啲，（即是用微創响大比開個洞，用條導管鏡頭伸入去心臟），到時如果有塞就即時通埋波仔；
聽佢咁講又好似幾有導理喎，我跟手就打個電話比老婆，講個情況比佢知啦！
佢聽完之後就話即刻話：「米住，你乜嘢都唔好應承，轉頭再比電話你。」

goldwater

隔咗5分鐘我老婆打來，佢話乜嘢都唔做，即刻辦出院手續，因為佢問過相熟中醫師，做咗通波仔手術，將來復原嘅機會係零，而家首先要做嘅1)係戒煙  2)係減肥   3)用中藥調理；人往往出現問題後先至會怕死嘅，所以半年時間之內不但戒埋煙，而且勤做運動，卒之減咗超過35磅，身體同埋精神都好咗。

goldwater

中醫嘅角度係人體有自我保護能力，血管放咗支架後會响傷口不停咁増生細胞去保護，將擴闊咗血管慢慢又會阻塞翻，所以做完通波仔手術就變成長期病患者，長期食藥，控制血液濃度，控制血液形固，
早前有單新聞，有個病人响瑪利醫院做完通波仔手術之後幾日因心肌梗塞死亡，原因係在明愛醫院覆診時醫生冇開抗血液形固劑呢種藥，可以想像得到係幾咁嚴重，所以我選擇咗自然療法，經過幾年之後，2013年我又再次做心臟檢查，想睇吓心臟血管有冇改善到，呢次就遇到一個無乜品德嘅醫生！

[ 本帖最後由 goldwater 於 2014-5-15 12:46 編輯 ]

goldwater

其實果隻抗血形固隻藥乜名唔記得，好似叫做抗血小板藥，有乜壞處？如果長期食咗呢隻藥，有大傷口嘅時刻可以流血不止，有心血管病嘅人一定要食，做咗心臟手術嘅人更非食不可，所以推測明愛個病人死亡，不但疏忽咁簡單，嚴重啲講可以話係誤殺，大家話一個醫生會唔會連病人嘅病歷都唔睇？就算係新症，都應該隨便問一句個病人點解嚟睇醫生掛，所以香港人在良心上越來越倒退，太自私，

Terencelau888

快d講啦師兄

goldwater

引用:

原帖由 Terencelau888 於 2014-5-16 13:28 發表
快d講啦師兄

好多人以為冠心病係肥伴、胆固醇超標或食煙引起，其實啱咗一半，好似一啲好肥，食量驚人嘅大肥佬又未必有呢種病，如果有留意新聞，週時有運動員在練習或比賽期間無端端卒死，死因係心肌梗塞，點解佢哋不煙不酒，勤做運動身體強壯都會咁死？
中醫角度病因係氣虛血弱，血管瘀塞，即是大部份有呢個病嘅起因多數係內傷引起瘀血積聚，所以中藥會以活血化瘀嘅藥方去治療，講到呢度，金水提醒各位有緣人，如果曾有撞傷，被人打傷，手腳扭傷而未認真去睇跌打醫治過，年紀稍大要去檢查吓，有呢種病嘅機會好高。