goldwater

第1集,賭具


個個人都話衍生工具嘅作用係對沖風險，全部都係大話，窩輪，牛熊證，期指，期權全部都係賭博工具，金水同大家都是散戶，散戶角式就係賭仔，所以要知道點解你會成日輸，點解成日要去入數比證券行再嚟過，聽完金水分折之後，你就會知道點解比過馬交更加糟！
仲有，點解呢幾年無論技術分析或基本分析都失較？聽完整個故事就會明白！

fatpat

Expecting the story

goldwater

第2集.  莊家？


相信好多朋友仍然好似以前金水一樣，買窩輪或牛熊證以為發行商就係莊家，原嚟呢個諗法係錯，發行商嘅角色只係賭塲嘅艇仔，千方百計揾客(散戶)去賭塲，賺果雞碎咁多嘅佣金，有時唔夠數就做吓啲假成交增加收入，如果唔係過份，真正嘅莊家都會隻眼開隻眼閉，太過份的話莊家咪報警拉人封艇，講咗咁耐，應該知道呢班發行商只係代理人，冇接受過一分一毫嘅賭注，下節帶大家嘗試抽出真正莊家，睇吓有冇辦法改變整個賭局形勢。

~family~

引用:

原帖由 goldwater 於 2014-4-22 14:18 發表
第2集.  莊家？


相信好多朋友仍然好似以前金水一樣，買窩輪或牛熊證以為發行商就係莊家，原嚟呢個諗法係錯，發行商嘅角色只係賭塲嘅艇仔，千方百計揾客(散戶)去賭塲，賺果雞碎咁多嘅佣金，有時唔夠數就做吓啲假成交增加收入，如果 ...

金水師兄,好祈待

goldwater

(3).莊家1.


無論大小股票，都有其自己嘅莊家，港交所除咗係賭塲老闆之外，亦係本地其中一個大莊，每租出一個賭廳或枱，都要經佢批准同比錢佢賺，但港交所只係一個部門，而掌舵CEO實際是香港政府，因為香港政府持有其他指數成份股比重都相當高，所以香港政府除咗係賭塲真正老闆外，更是全港期指期權最大莊家，亦是指數窩輪及牛熊證真正主腦，所以你一踏入賭場，所下嘅投注額全部由香港政府接受，有好多人都會諗，莊家接受賭注之後，再在市塲對沖風險，呢一點可以話比大家知，咁諗絕對係錯，下一節或再探討究竟你同邊個對賭，是否如大家想法，將收受番嚟嘅賭注毋須對冲風險。

cowbearcar

無錯！最大的莊係政府，連大鱷都打得走。

goldwater

莊家(2)
上面內容知道股市最大莊家係政府之後，你就清楚究竟同邊個對賭緊，經常聽啲網友講你買升，我買跌，你就係我對手，呢個諗法當然錯，例如去賭場坐落一張大細檯，買大嘅係咪同買小嘅對賭？莊家話大小通吃就知乜嘢事啦！所謂十賭九輸，仲有一句，呢句你哋一定要識，識咗之後就知點解會長賭長輸，呢句係「有殺無賠」，其實真正嘅莊係呀爺，呀爺單控制水源
，仲控制埋消息，見人多睇升勒，佢咪玩轉向，多人睇大插，佢咪抽番轉頭蘿，所以呢幾年真係玩死唔小大師專家。

optionbaby

最明显就系港股直通車

Terencelau888

明天再續

goldwater

財演
今日磛停講莊家，先講講財演，其實一直以來好多人輸打贏要，羸嘅就話某財演水準高，輸嘅就話人係明燈，大佬，人哋推介是否落注自已決定，邊有咁唔公平嫁？不過今日唔係想話信與唔信，係想大家知道財演並非收咗莊家錢而大唱某隻股票，金水認為只是技術問題，舉例，大部份大牛市或大熊市，一般技術指標可以背馳再背馳，反轉再反轉，通常身在股海會隨市場氣氛影響，呢樣可以肯定嘅，除非你可以做到畢菲特一樣，見好即收，賣仔莫摸頭，話之佢將來生定死啦！先是錯，到最後都是啱，正所謂「有本事袋落自己袋，先至係自己嘅銀紙」。