goldwater

三中全會兩萬隻字裏面，最多題到嘅就係「改革」，太複雜嘅問題大家都理解唔到，要留意嘅係整編內容重點在「以人為本」四個大字，以呢四個大字套用在本故事的標題「生、老、病、死」再加以人生八大事（非七事，並非開門七件事），就可以清楚有冇行錯路，炒錯股，生、老、病、死，衣、食、住、行係人生必須八件大事，.............;

goldwater

以人為本，初生嬰兒，奶粉尿片，居住環境！

goldwater

估佢唔到啲大戶真係可以咁齊心，女股神嘅買賣值得研究；
出生率將會持續增加，內地尿片冇乜選擇，咪埋眼買隻#1044恆安，呢啲股票升極都有，尿片除咗BB要用之外，仲有成人尿片，市場實在太大，
而奶粉當然#2319蒙牛係首選，知名度冇得彈，雖然衰過臭過，就係咁呢個品牌全世界都識，長線炒個概念都可以翻幾翻；
特別留意隻#1112合生元，我唔知佢做啲乜，但圖表話我知，呢隻係好嘢！

goldwater

從政策睇今次領導人同胡主席好大分別，可以話係相反，胡政策是合拼重組，淘汰弱者，今次係釋放國企資源比中小民企玩，而國家做番監控角色，大陸人民機會多咗，但一切只限在下游業務，大家千其唔好亂炒！

goldwater

呢組浪擺明搵笨，有理冇理都亢奮到暈，好快會爆，但有啲股票食正國策，真係會長升長有，但以人為本記住一定要將心比心，大前提係人人可以安居樂業，三餐溫飽，國家強大，國企係拆骨嘅時期，小心炒錯股！

goldwater

出世有幾耐呀？未戒奶就講到老，而家主席話將農村城鎮化，希望提升大部份窮人生活水平，搬離農村，要過啲新生活，當然要有新屋家俬，所以首選係建築材料股，鋼根水泥股，回想童年，我地最希望有嘅就係彩色電視機，大家可以留意到"國美" 點解會翻生？因為佢最多倉底貨，呢次真係有水有排玩啦！

goldwater

由生講到老真係有排講，一般認為六十歳先算叫做老人家，但睇吓譚詠倫，六十幾都仲咁靓仔，真係要講到老真係有排都未講完，
人出世間就叫出世，死究竟係稱為乜？係叫做"死出"，點解？
大家都應該知道，你老闆叫你入房"丙" 完之後，都會同你講：「死出去做嘢。」
笑話講完，增加出生率其實無乜幫助，因為大陸農村頭一個生女，都可以比多生一胎，而城市有錢嘅人通常第二、三、四胎都會諗䀆辦法去第二度生，例如香港........................。

goldwater

講番城鎮化，大部份人都衝入去d基建股度，390、1186咁，如果可以諗深層一定知道冇運行，除左幾間大形國企爭食之外，民間有幾多？人人都諗住發達走去做基建，就算好食嘅都變成豬骨頭啦，而且大陸＋幾億人口，靠勞力又點会揾到錢丫，如果要買呢類股，我另願高追#700，起碼係靠食腦揾錢！

goldwater

而家全世界都話直闖二萬四，靠國企？唔駛諗啦！
本地幾隻大隻佬唔破，大市都唔駛望！

pek578