講到牛熊車喺呢度唔怕公開講，佢曾經PM問我核心課程好唔好，記億中我答佢一句：「以你咁鐘意研究性格，學識呢套技術之後相信睇市會比我更好。」
完成課程之後，見佢不斷將MT's內容去改變，加插自己研發的技術指標，務求盡快創出一套技術，比我感覺真係有啲走火入魔，對此事我曾經勸佢專心去研究上完堂嘅內容，唔好三心兩意；
講到佢介詔上其他課程，都並非第一次，呢方面我知佢係善意分享，並無其他目的，昨日我咁好火都係比小人扇風點火啫(睇來EQ仲要加倍努力)，呢方面曾經有人話我係井底蛙，見識小，站喺自已立塲，只要係有料，一招半式已夠橫行天下啦！百般武藝學識而運用唔到又有何用，牛熊車介紹過一個短片示範短炒期指，話佢好準，呢啲咁低能把戲都會信，真係要多啲睇警訊啦！
MT's 技術內容分幾部份，對我而言bible 及GP係旣簡單亦實用的，再配合時間分析及波浪相位理論簡直是天衣無縫；講真句，世上最好嘅技術都會有出錯嘅一刻，就算莊家都不會例外，只要喺每次出錯時識得反思，你就會對自己用嘅一套技術加深一分了解。
