至尊論壇 - Powered by Discuz! Board

標題: 冠心病 [打印本頁]

作者: goldwater 時間: 2014-5-13 10:40 標題: 冠心病

冠心病就係心血管阻塞，好多無良嘅醫生為咗賺錢會要你通波仔，因為手術最低消費係十幾萬起，但無良嘅醫生只會同你講，唔做通波好手術就會隨時有生命危險，唔會同病人解釋手術後嘅風險比手術前風險更大，長期藥費亦係好大嘅負擔；

稍後時間金水會講述一段經歷比大家分享，如果有類似情況，記住三思。

作者: goldwater 時間: 2014-5-13 16:05

如果有買醫療保，久唔久都會入醫院做吓檢查，六年前有個肥仔朋友成日覺得心口唔舒服，揾咗個心臟科醫生做咗個心臟造影，發現有條血管閉塞咗超過50%，經醫生建議做咗通波仔手術，連檢查住院及手術使費用咗大約12萬幾，有日我遇到呢個朋友，佢話好彩有買保險，如果唔係死咗都唔知乜嘢事，一輪咀講入院至到做手術嘅經過，建議我都去做過檢查，(因為當時金水嘅體重近200磅，有食煙飲酒習慣) ，還店有買保險，一於去做個檢查。

作者: goldwater 時間: 2014-5-14 08:56

兩個月後輪到我入院檢查，檢血檢尿例行公事，瞓一晚第二朝先來個運動心電圖，做埋個超聲波，醫生同我講，心電圖所見心律正常，而超聲波見到心嘅下半部有小小發大蹟像，但年紀大咗，都唔算係一個嚴重問題，聽完之後都安心啲。

作者: goldwater 時間: 2014-5-14 10:25

跟住落來就係做呢個心臟血管造影，呢個檢查係打一枝顯影劑嘅藥，然後用一個超聲波快速咁影低心臟血液經過嘅情況，然後將啲菲林沖哂出來，大約一小時後，醫生同我講解影到嘅情況：「金先生，影出來嘅結果比起你嘅朋友嚴重喎，佢有一條血管塞，而你就塞咗兩條！」
聽完醫生咁講，就問佢點解會咁嚴重？有乜嘢辦法？

作者: goldwater 時間: 2014-5-14 20:30

雖然人人都想賺錢，但呢個醫生幾有禮貎，佢建議我做過導管檢查會清楚啲，（即是用微創响大比開個洞，用條導管鏡頭伸入去心臟），到時如果有塞就即時通埋波仔；
聽佢咁講又好似幾有導理喎，我跟手就打個電話比老婆，講個情況比佢知啦！
佢聽完之後就話即刻話：「米住，你乜嘢都唔好應承，轉頭再比電話你。」

作者: goldwater 時間: 2014-5-15 09:20

隔咗5分鐘我老婆打來，佢話乜嘢都唔做，即刻辦出院手續，因為佢問過相熟中醫師，做咗通波仔手術，將來復原嘅機會係零，而家首先要做嘅1)係戒煙 2)係減肥 3)用中藥調理；人往往出現問題後先至會怕死嘅，所以半年時間之內不但戒埋煙，而且勤做運動，卒之減咗超過35磅，身體同埋精神都好咗。

作者: goldwater 時間: 2014-5-15 12:39

中醫嘅角度係人體有自我保護能力，血管放咗支架後會响傷口不停咁増生細胞去保護，將擴闊咗血管慢慢又會阻塞翻，所以做完通波仔手術就變成長期病患者，長期食藥，控制血液濃度，控制血液形固，
早前有單新聞，有個病人响瑪利醫院做完通波仔手術之後幾日因心肌梗塞死亡，原因係在明愛醫院覆診時醫生冇開抗血液形固劑呢種藥，可以想像得到係幾咁嚴重，所以我選擇咗自然療法，經過幾年之後，2013年我又再次做心臟檢查，想睇吓心臟血管有冇改善到，呢次就遇到一個無乜品德嘅醫生！

[ 本帖最後由 goldwater 於 2014-5-15 12:46 編輯 ]

作者: goldwater 時間: 2014-5-16 11:08

其實果隻抗血形固隻藥乜名唔記得，好似叫做抗血小板藥，有乜壞處？如果長期食咗呢隻藥，有大傷口嘅時刻可以流血不止，有心血管病嘅人一定要食，做咗心臟手術嘅人更非食不可，所以推測明愛個病人死亡，不但疏忽咁簡單，嚴重啲講可以話係誤殺，大家話一個醫生會唔會連病人嘅病歷都唔睇？就算係新症，都應該隨便問一句個病人點解嚟睇醫生掛，所以香港人在良心上越來越倒退，太自私，

作者: Terencelau888 時間: 2014-5-16 13:28 標題: 回復 1# goldwater 的帖子

快d講啦師兄

作者: goldwater 時間: 2014-5-16 17:03

引用:

原帖由 Terencelau888 於 2014-5-16 13:28 發表
快d講啦師兄

好多人以為冠心病係肥伴、胆固醇超標或食煙引起，其實啱咗一半，好似一啲好肥，食量驚人嘅大肥佬又未必有呢種病，如果有留意新聞，週時有運動員在練習或比賽期間無端端卒死，死因係心肌梗塞，點解佢哋不煙不酒，勤做運動身體強壯都會咁死？
中醫角度病因係氣虛血弱，血管瘀塞，即是大部份有呢個病嘅起因多數係內傷引起瘀血積聚，所以中藥會以活血化瘀嘅藥方去治療，講到呢度，金水提醒各位有緣人，如果曾有撞傷，被人打傷，手腳扭傷而未認真去睇跌打醫治過，年紀稍大要去檢查吓，有呢種病嘅機會好高。

作者: goldwater 時間: 2014-5-17 10:34 標題: 彩色心臟血管造影

自從08年開始改變咗生活習慣，事隔5年想知道心血管有冇改善，所以朋友介紹一個醫生去到呢開"人on〞醫院再做一次檢查，入院時個醫生見我嘅候，佢見議我照出來如個血管有70%以上塞的話，就要做通波仔，否則就唔使做住；而呢個醫生唔係心臟科，佢話會轉介果度嘅心臟科主管幫我跟進，到第二朝十點就開始做呢個檢查手術，今次並冇醫生在塲，全程由注射顯影劑至到入機彩片，全程都係由兩名醫務助理進行，做完整個過程大約用咗30分鐘完成，跟住落嚟一段時間，就係令金水對一啲無良醫生產生討厭嘅開始.........................稍後續

作者: goldwater 時間: 2014-5-19 09:27

做完檢查之後大約10:45am，食早餐諗住準備收拾行里出後，等到當昏都未有聲氣，開姑娘，佢哋話吹咗醫生好多下，又等到晚上8:30pm都冇勳靜，早餐之後近10個鐘都未有野落肚，究竟有乜安排通知聲都得掛！直至9:45pm個醫生肯來啦，一來到就講：「金先生，好不幸出來嘅報告證實有兩條血管塞咗，其中一條塞左70%，我要同你做一個通波仔手術，費用大約22萬，因為而家已經好夜，最快安排明曰早上做手術，因為急症關係，所以手術室要收多幾千蚊費用，一輪咀講咗十分鐘；

作者: goldwater 時間: 2014-5-19 19:00

等足一日，十分鐘嘅說話就係安排我做手術，大佬，當為一個專科醫生，係咪應該用多小小時同我分析吓個病情？究竟有冇其他可行嘅辦法呢？我問佢有關呢幾個問題，佢都係say no，最後我答佢比啲時間消化吓，諗住出咗院先算啦，之後佢嘅反應好唔耐煩就話嘞：「金先生，你有買保險，手術費都唔求問題啦，仲考慮乜嘢？而且而家出院都要計兩日，好唔化算，不如一次過做埋啦！」原來攪到咁夜係有哂計劃嘅，十足十似強迫我一定要做呢個手術咁，最後我都決定出院，好攰要番屋企瞓番覺好先講，
佢好無奈講：「咁都唔強迫你啦，不過提醒你早一曰做好過遲一日做，而家就寫紙比你出院，兩個星期後來覆診。」
番到屋企12：30am

作者: KTL 時間: 2014-5-20 15:15

引用:

原帖由 goldwater 於 2014-5-19 09:27 發表
做完檢查之後大約10:45am，食早餐諗住準備收拾行里出後，等到當昏都未有聲氣，開姑娘，佢哋話吹咗醫生好多下，又等到晚上8:30pm都冇勳靜，早餐之後近10個鐘都未有野落肚，究竟有乜安排通知聲都得掛！直至9:45pm個醫生肯來啦，一來到就 ...

似Sales多過

醫生

作者: goldwater 時間: 2014-5-20 20:31

引用:

原帖由 KTL 於 2014-5-20 15:15 發表

似Sales多過醫生

我感覺直頭係硬sale，焗sale！出院之後我繼續睇中醫食中藥，個心臟科主管開嘅藥我就一粒都食，中醫話心臟有三條血管，而家塞咗兩條仲有一條，而且人體會自我保能力，當個心肌感覺有缺血嘅情況，血管分支就會抗大變粗取代主要血管，中醫話呢個方法要靠做帶氧運動去強壯心肺功能，食藥令血液行得好啲，血管減小瘀塞，有一日响圖書管揾到本書，作者係美國大醫生，內容有一段同中醫講嘅心臟有自我保護，微輸血管會變粗.........一樣，又話通波仔只會令病情惡化，食嘅西藥只係毒藥，現時大部份心臟科醫生只係大藥廠sale，..................大至上係咁，本書乜名唔記得，佢話醫學界好黑暗；响呢件事上知道，好多人比啲無良醫生呃咗，下一節就講到兩個星期覆診時候，真係估唔到一個專業人仕，會講啲咁嘅說話。豈有此理！

[ 本帖最後由 goldwater 於 2014-5-20 20:33 編輯 ]

作者: may 時間: 2014-5-22 10:33

結果如何? 請續!

作者: goldwater 時間: 2014-5-22 12:56

引用:

原帖由 may 於 2014-5-22 10:33 發表
結果如何? 請續!

覆診時候個醫生見我第一句就問：「考慮咗兩個星期考慮成點？」我話有幾個問題要考慮清楚，想問佢意見，話比佢知近期搜集到嘅資料，佢第一個反應係黑面，跟住係冷漠高傲嘅態度出哂嚟，佢當然話唔做呢個手術會隨時心肌梗塞死亡，响醫院時我問佢可唔可以做隱形支架(兩年時間會溶解)，當時佢話要睇血管情況，非人人可以做，但今次佢見我嘅反應，即時同我講可以做呢個隱形支架，仲要考慮啲乜？
我問佢：「心血管阻塞，其他支血管係咪會擴張代替主血管？」佢答：「係有咁嘅可能，但呢個過情好漫長喎！」
我問：「咁我又可唔可以keep得好啲，食得更清淡啲？」佢答：「你都幾十歲人啦，咁辛苦做乜？而家比多兩個月時間你認真諗清楚，覆診再決定，出去等攞藥。」
哈哈，兩個月藥見唔夠十分鐘，盛惠6800大元，究竟做咗手術係咪解決哂問題？梗係唔係啦！所以呢個庸醫唔會再有第三次見面，
成件事令我對西醫好反感，好快又賺多一年命唔死得，究竟個庸醫長命啲還是我長命啲，就真係唔敢包，正所謂天有不測之風雲！

有時世事就係咁奇，當我對西醫完全死心嘅時候，早幾個月前呢個諗法又要改觀，正所謂仁者無敵，比我揾到一個真正嘅醫生！

[ 本帖最後由 goldwater 於 2014-5-22 12:58 編輯 ]

作者: may 時間: 2014-5-23 22:41 標題: 回復 17# goldwater 的帖子

C-hing , 何解 ?

作者: goldwater 時間: 2014-5-24 10:46

朋友介紹威院一位心臟科醫生，佢係本港某間大學教授，我真係估唔到一位咁有份量嘅人物，可以咁友善，咁細心去解答病人各種問題，足足用咗50分鐘時間，所以覺得呢位教授有一份出自內心嘅醫德，幫助病人，現今社會已經好小啦！

其實我最大嘅問題係而家情況係咪一定要通波仔；太忙稍後續....................

作者: goldwater 時間: 2014-5-24 19:46

50分鐘時間真係幾長，但對於一個病人就好似係一個無知少年咁，而教授嘅重點係心血管阻塞，好難衡量阻塞幾多先要通波仔，範圍好廣，如果唔影響心律跳動，唔建議病人做呢個手術，所以建議我先做一個運動心電圖及超聲波掃描後再決定是否動刀，
呢個運動心電圖同靜態心電圖有乜分別，因為當一個人做緊運動嘅時候心跳會加速，血壓上升，如果血管阻塞令血液流入心臟唔夠，心跳會出現不規則跳動，證明心肌出現問題，我就決定做呢個檢查，安排在一個月後，教授要求我以後日日要食藥，千萬唔好加埋中藥食，跟住落嚟梗係聽聽話話，日日食四粒。

作者: goldwater 時間: 2014-5-26 08:53

專業與無知！市民有如羔羊，冰山一角！
[email=http://hk.apple.nextmedia.com/re ... 582#f3f03e33314bf98]http://hk.apple.nextmedia.com/realtime/news/20140525/52513035?fb_comment_id=fbc_550438375065174_550470961728582_550470961728582#f3f03e33314bf98[/email]

作者: goldwater 時間: 2014-5-27 17:18

食咗兩個星期西藥，唔知係咪心理作用，總係覺得好唔妥，所以停咗，轉番睇中醫食中藥，直至做完個運動心電圖，覆埋診，教授話08年至今keep唔錯喎，因為咁長時間發現血管有瘀塞至而家六年時間，心律好正常，而心室下部唔見有08年嘅發大情況，好好，叫我繼續keep住；

係咪真係好神奇呢？六年時間不但冇惡化，而且仲有好轉蹟象，可能係食中藥啦，最重要係改變生活習慣，戒煙、減肥及多做運動，呢位教授唔似其他醫生咁生意至上，因為佢係一個良心醫生，雖然手術費可以由保費支付，但手術後對身體傷害幾大係呢位仁醫先考慮首要問題，非必要都會避免手術，好可惜今日咁嘅資本社會，好難做一個好人，做一個好醫生更難。

作者: goldwater 時間: 2014-5-28 12:26

香港只係一個有權力，冇公義嘅地方，
冇能力只要有勢力嘅人就可以取而代之

[email=http://www.youtube.com/watch?v=eDrbUAzvN7A]http://www.youtube.com/watch?v=eDrbUAzvN7A[/email]

作者: goldwater 時間: 2014-5-28 20:54

最攪笑係投訴余教授嘅人去坐余教授個位，呢個乜嘢世界，呢個係乜嘢政府？

作者: goldwater 時間: 2014-5-29 10:28

並非宣傳，覺得幫到人的可以介紹吓。

作者: goldwater 時間: 2014-6-1 09:56

好多人會覺得食高脂高膽固醇嘅食物就會肥胖，容易引起高血脂症，其實呢啲食物只係代表高能量，當儲存過多，日子耐咗就會變壞，因此每日吸收嘅能量就要盡量用咗去，身體就會健康，食得多而出得少，百病就係咁嘢積累番嚟；
上次提過心肌梗塞並非一定因肥胖，高脂高膽固醇引起，多數都係瘀塞，為何會瘀血阻塞，其實瘀血形態雖然未至於固體，但似半形固嘅血槐當心臓血管緊張收縮狀態時，血塊就會阻塞血液流入心臓，令心臓缺血而導致死亡，
一啲強健運動員卒死可以冇病徴，冇先兆，所以千萬唔好以為身體強壯就疏忽，好多病症西醫係無法解釋。

[ 本帖最後由 goldwater 於 2014-6-1 09:57 編輯 ]

作者: rcecbest 時間: 2014-6-1 18:15

引用:

原帖由 goldwater 於 2014-5-28 20:54 發表
最攪笑係投訴余教授嘅人去坐余教授個位，呢個乜嘢世界，呢個係乜嘢政府？

睇完條片, 覺得余教授的確有問題, 人地用通波仔後180日出現問題的數據去挑戰佢, 就可以把他推倒. 比你找醫生做手術, 你都找一個更高要求成功率的醫生去做手術啦. 問題是現在是政府醫院, 無錢的人沒有資格選醫生, 要做通波仔就由余教授做, 明知通波仔後180日好可能出現問題, 鬼叫你無錢, 無得選. 現在一個有背景的下屬去挑戰無能上司, 應該是無錢的人的福氣, 因為在政府機構內, 如果沒有背景, 是沒有膽量及能力去推倒無能上司的. 旨要這個替代者的手術好過余教授, 便沒有問題, 因為一個沒有能力的人, 在政府機構內是可以永遠生存, 但如果是醫生, 受苦的便是無錢的人.

另外, 余教授經驗豐富, 如果係人才, 自立門戶, 搵錢仲多, 幫有錢人做手術, 做個月球醫生, 輕鬆過活. 現今香港地, 醫生搵錢最多, 有料醫生如果不是仍有一火仁心, 早就走出醫管局, 出去搵銀, 不過如果數據差的話, 好難有人,願意比佢做.

利益申報 : 2個人都吾識

作者: goldwater 時間: 2014-6-1 19:03

金水作為余教授病人其中一員，同其他病人一樣支持余教授，好奇怪，整件事投訴至反對余教授都係一班無良醫生，可以大聲話為咗病人利益，好攪笑，病人利益由病人家屬自己決定，冇辦法，物以累聚，無良的人都會聚埋一齊

作者: ang 時間: 2014-6-1 19:47

多謝金水師兄的分享~

作者: rcecbest 時間: 2014-6-1 21:26

引用:

原帖由 goldwater 於 2014-6-1 19:03 發表
金水作為余教授病人其中一員，同其他病人一樣支持余教授，好奇怪，整件事投訴至反對余教授都係一班無良醫生，可以大聲話為咗病人利益，好攪笑，病人利益由病人家屬自己決定，冇辦法，物以累聚，無良的人都會聚埋一齊 ...

金水沒有做到通波仔手術, 卻支持余教授的通波仔手術高超, 果然優默.

作者: goldwater 時間: 2014-6-1 21:41

金水作為一個病人身份，亦代表消費者一員，利益申報，除每次覆診連藥費二千多元之外，並冇任何得益，此次分享只是希望有此病徵困擾朋友們可以得到一啲資訊，以免被專業而欺騙無知；
而有師兄從短片中抽取部份內容去攻擊余教授，可以是斷章取義，侮辱自己人格，從整個投訴事件，未有任何病人或病人家屬，而投訊者只是有利益衝突的一羣，

現實世界庸俗之軰係向錢看，但每個人的價值觀都不同，有抱負的偉大人物佢哋係唔會明。

作者: goldwater 時間: 2014-6-1 21:48

引用:

原帖由 rcecbest 於 2014-6-1 21:26 發表

金水沒有做到通波仔手術, 卻支持余教授的通波仔手術高超, 果然優默.

好優默咩，莫非你通過波仔？

作者: rcecbest 時間: 2014-6-1 21:59

不能因為你是金水所有你說的就是真理. 如果余教授不是有些手術出現瑕疵, 是不會被人推倒的. 余教授手術高超, 轉做私家, 搵錢更多, 是無錢人的損失.

作者: goldwater 時間: 2014-6-1 22:01

六年前有醫生要我通波仔，七十二個月都未死得，反而通咗波仔十八個月後死亡，如果余教授肯公開手術病人病歴及資料，一切真相大白，勸一句：「積吓口福，稹吓陰德吧！」

作者: rcecbest 時間: 2014-6-1 22:04

不同人有不同的想法很正常, 師弟所想的亦不一定是對的,

作者: goldwater 時間: 2014-6-1 22:05

引用:

原帖由 rcecbest 於 2014-6-1 21:59 發表
不能因為你是金水所有你說的就是真理. 如果余教授不是有些手術出現瑕疵, 是不會被人推倒的. 余教授手術高超, 轉做私家, 搵錢更多, 是無錢人的損失. ...

我並非因為我講就是真理，我只係想分享我一段經歴同感受，是否轉做私人醫生由你安排，你係老鄔，隻手遮天？

[ 本帖最後由 goldwater 於 2014-6-1 22:06 編輯 ]

作者: rcecbest 時間: 2014-6-1 22:09

原來師兄要寫聖經, 不信就要落地獄.

作者: rcecbest 時間: 2014-6-1 22:18

其實我的想法是錯的, 請支持余教授.

作者: goldwater 時間: 2014-6-1 22:19

引用:

原帖由 rcecbest 於 2014-6-1 22:09 發表
原來師兄要寫聖經, 不信就要落地獄.

我講經歷非寫聖經，叫你積吓陰德，非打你落地獄，憑你的品格，莫非仲想上天堂？

作者: rcecbest 時間: 2014-6-1 22:37

自由思想, 是性格問題.

作者: goldwater 時間: 2014-6-1 22:45

[email=http://eastweek.hk/?aid=28280]http://eastweek.hk/?aid=28280[/email]

作者: goldwater 時間: 2014-6-2 07:51

呢個世界係有呢啲尖酸刻簿嘅茲事份子，天下先至會亂，其實呢個又唔係答問大會，一啲臭口祖上來不答就算；
金水從經歷中發現，有冠心病醫生叫你通波仔就要先考慮，或搵多個醫生資詢下先，無謂被專業欺騙我哋無知，做成身體真正嘅傷害，
引用余教授的方法，運動心電圖，去判斷是否真正要做呢項手術，呢個通波仔手術雖然好簡單，但對身體會形成永遠傷害，只要有一個有緣人睇到呢個經歷就夠！幫到一個人已經滿足！

作者: goldwater 時間: 2014-6-2 08:04

除咗一班肥胖，多吃小做運一羣外，瘦人亦要留意是否經常有胸悶被壓，心口痛，在靜態程況經常出現心跳急促，如果有咁嘅徵兆就要小心，因為冠心病是隠性殺手，無論肥廋都有機會。

作者: KTL 時間: 2014-6-2 09:01

引用:

原帖由 goldwater 於 2014-5-29 10:28 發表
並非宣傳，覺得幫到人的可以介紹吓。

http://holland.pk/1t84ak2x

先多謝

金水

師兄的分享, 想已康復不少, 祝健康安好! 請問

是否仍需每天都在服中藥?

是飲片還是科學中藥? 因身邊不少朋友都正面對心腦血管問題, 知多d 或許可自助互助

梁醫生的網址似是不正確 http://chinesemedicine.org.hk/
, 未能從其

網頁上得知其師承及精專的領域...

再多口問句,

梁醫生是

用經方或是時方的良醫?

[ 本帖最後由 KTL 於 2014-6-2 09:03 編輯 ]

作者: goldwater 時間: 2014-6-2 11:46

引用:

原帖由 KTL 於 2014-6-2 09:01 發表

先多謝金水師兄的分享, 想已康復不少, 祝健康安好! 請問是否仍需每天都在服中藥? 是飲片還是科學中藥? 因身邊不少朋友都正面對心腦血管問題, 知多d 或許可自助互助

梁醫生的網址似是不正確 http:// ...

感謝師兄關心，人間有情難能可貴，梁醫師網址在下未上過不清楚，有張咭片

作者: goldwater 時間: 2014-6-2 11:53

佢背景在下不太清楚，到目前算我的家庭醫生，都近八年時間，以前是用中草藥㷛，近年改用農本方沖劑，金水都睇過唔小中醫，包括政府診所的大學畢業醫師，但都未如理想，而梁醫師醫術高明，唯一缺點收費比較貴，通常一個星期藥加診金要千多元。亦因近年在中文大學授課，可能級數提升，醫藥費比以前貴好多，但佢又不時出義診幫助窮人，有啲刧富濟貧感覺！

[ 本帖最後由 goldwater 於 2014-6-2 11:58 編輯 ]

作者: choi2010 時間: 2014-6-2 13:25 標題: 回復 46# goldwater 的帖子

thank you goldwater c hing for sharing.
It really helps and enlightening.

作者: KTL 時間: 2014-6-2 14:10 標題: 回復 46# goldwater 的帖子

多謝金水兄的資料,  小弟早幾年因小小的感冒, 可能看西醫時, 誤用"偽麻黃", 大汗出,
感冒不清, 卻引起不少身體其他問題, 如心跳過促, 前列腺腫大等等...

轉看浸x的中醫, 整年仍反覆感冒!  後到廣x的中醫部, 專誠找其顧問醫生, 他是廣州中醫xx的碩士班指導xx...
吃第一天藥即覺極之難受, 致電該醫生, 不聴; 再親自詢問, 他很"馬虎"的說, 他開的藥是没有問題的, 堅持叫我把餘下3天的份量吃完, 其間完全不回應我的身體反應, 也不再號脉...

結果吃多一劑, 便胃氣絶(完全吃不下東西), 到第三劑時, 已没法下床,  被家人叫白車送了入院, 吊了幾天鹽水,  做了不少驗查, 卻完全找不出任何病, 只是不能進食, 食物未到口已嘔, 輕了3x多磅, 心腎衰竭, 差點便蒙主寵召, 後有朋友介紹了一位好的中醫, 才倖免於難.  故能多一位"有料"醫生的資料, 多了一根救命草,  實在感恩!

作者: goldwater 時間: 2014-6-2 14:44

引用:

原帖由 KTL 於 2014-6-2 14:10 發表
多謝金水兄的資料,  小弟早幾年因小小的感冒, 可能看西醫時, 誤用"偽麻黃", 大汗出,
感冒不清, 卻引起不少身體其他問題, 如心跳過促, 前列腺腫大等等...

轉看浸x的中醫, 整年仍反覆感冒!  後到廣x的中醫部, 專誠 ...

原來師兄曾經有一段如此歷，其實金水作為一個病人，有一位出自真心嘅仁醫幫助病人係好難得，師兄可以分享吓幫你的醫師資料嗎？所謂醫者父母心，一個真正有醫德嘅醫生，先要識得醫病人個心，其次就係用藥，好多病症從西醫角度係無從解釋，好似經絡位置，曾經有朋友指「手指公對腳指公一組」，好神奇，真係相對的，至於中醫如何判症開藥在下是外行，不便多講，稍後時間或分享吓個人對自身的小宇宙的認識，如何幫助減輕一啲痛証心得。

作者: KTL 時間: 2014-6-2 17:31

當日醫好小弟的是一屯門小藥店的掛單中醫, 姓鄧的, 當日是用傳統的中藥, 即要煲的那種, 今在旺角塘尾道18號嘉禮大厦6樓E室開了一個診所, 轉了用科學中藥. 診金+2日藥費是$350 電話是 2380 8168.
觀其診症方法, 不用舌診, 問症, 只用號脉即開藥方, 能說出我那次生病時, 血壓方面, 是下壓偏高...似是五臟辨證法. 解釋病情則用西醫的紅血球, 白血球的說法. 以上資料, 希望能助有需要的朋友吧

健康無價, 能分享, 互助是福氣. 期待師兄的"減輕一啲痛証心得"。

作者: goldwater 時間: 2014-6-2 20:05

引用:

原帖由 KTL 於 2014-6-2 17:31 發表
當日醫好小弟的是一屯門小藥店的掛單中醫, 姓鄧的, 當日是用傳統的中藥, 即要煲的那種, 今在旺角塘尾道18號嘉禮大厦6樓E室開了一個診所, 轉了用科學中藥. 診金+2日藥費是$350 電話是 [url=tel:2380 8168]2380 8168[/url].
觀其診症方法, 不 ...

感謝師兄分享，一個好醫生越來越難搵，有機會我會嘗試

作者: KTL 時間: 2014-6-2 20:18

作者: goldwater 時間: 2014-6-2 20:36

剛才在ipad寫咗一大段得番幾隻字，
係要感謝師兄比多一個選擇

心血病或哮喘病高危時間係翻大北風，注意保暖，風濕痛症亦因為冷縮熱漲而生。

作者: KTL 時間: 2014-6-2 22:20

翻大北風, 血管驟然收縮, 確是危險. 頻繁進出室外及冷氣間也應小心,
今年土濕之氣過勝, 夏季悶熱濕重, 宜小心腸胃及不宜太多凍飲...
弊, 煩過我阿媽"tim", 多言了, 請諒

無論如何, 能無私分享, 坦誠溝通, 實人間美事

[ 本帖最後由 KTL 於 2014-6-2 22:22 編輯 ]

作者: goldwater 時間: 2014-6-3 08:07

引用:

原帖由 KTL 於 2014-6-2 22:20 發表
翻大北風, 血管驟然收縮, 確是危險. 頻繁進出室外及冷氣間也應小心,
今年土濕之氣過勝, 夏季悶熱濕重, 宜小心腸胃及不宜太多凍飲...
弊, 煩過我阿媽"tim", 多言了, 請諒
無論如何, 能無私分享, 坦誠溝 ...

功得無量

作者: goldwater 時間: 2014-6-3 09:14

早前聽個朋友講古仔，人體就如宇宙一樣，有中心，上下，左右，前後，如果任何一方失去平衡就會出現毛病，好多時候見啲朋友關節，腰背，坐骨神經痛，西醫角度叫做勞損，而朋友解釋是肌肉失去平衡，某一點長期受壓所至，所以有人會去推拿按摩，做完之後又可以得到短暫舒緩。

作者: goldwater 時間: 2014-6-3 19:19

好多時候腰痛原因，並非扭傷，多數係瞓覺引起，點解？如金水一樣，鐘意側睡，大家可以諗吓，一條脊椎長時間被扭轉，瞓醒之後有乜辦法唔腰骨痛，曾經有朋友去旅行時，因為酒店張床太軟，第二朝起身基乎行唔到，番到香港睇咗兩個月跌打；
腰痛年齡越大，機會越大，主要因為兩側肌肉不平衡拉動脊椎，壓住骨膜神經引起，解決方法好簡單，只要令脊椎兩側肌肉回復正常就會好番。

作者: KTL 時間: 2014-6-3 20:28

朱增祥醫生提倡的拉筯和蕭宏慈的拍打法對縮筯和血氣不通引起的痛症似有預防和治療作用

作者: goldwater 時間: 2014-6-3 21:07

肅宏慈呢幾年真係揾唔小錢，我曾經跟佢徙弟學過，之後反覆研究，係有問題的，此話題稍後再談；
先講番腰酸背痛個問題先，首先大家有時間，先做個測試，睇睇自己脊椎是否出現明顯症狀，動作係好似大陸人踎低，正常兩隻腳掌要全貼地面，小腿貼大腿。

作者: goldwater 時間: 2014-6-4 10:37

其實四肢對內臟影響好大，如果手臂經絡拉緊會影響心肺工能，所以心腦血管病除食藥之外，會針對性做手臂拉筋動作，早前學過拉筋拍打，佢所指筋長一吋，延壽十年，而我嘅朋友理論是筋會硬化，但並不會縮，縮嘅只是筋膜，拉筋醫病，實際理論是將曾受傷過嘅筋膜回復彈性，筋膜鬆，筋自然會長。

作者: KTL 時間: 2014-6-4 11:05

[筋會硬化，但並不會縮，縮嘅只是筋膜，拉筋醫病，實際理論是將曾受傷過嘅筋膜回復彈性，筋膜鬆，筋自然會長。] 受教了, 多謝

作者: goldwater 時間: 2014-6-4 11:49 標題: 回復 61# KTL 的帖子

師兄唔好客氣，在下只係將朋友啲理論分享

其實膜係乜？以前唔知，而家只知小小，原來人體器官，骨絡係冇知覺的，好似D人話骨痛，其實就是骨膜痛，膜係好似蜘蛛網咁，佈滿知覺神經及微輸血管，如果某個器官，肌鍵，骨骼組織受到外來傷害時會作出緊迫收縮的狀態，去保護某個組織。

作者: goldwater 時間: 2014-6-4 14:02

雙手雙臂雙膊嘅筋膜收縮，會影響心肺功能，亦是導致心腦血管疾病關鍵，只要雙手雙臂雙膊嘅筋膜能夠放鬆，呼吸及心腦血血管疾病就會改善；
好多人認為拉筋係想將某部位筋絡拉長，但最終就越拉越傷。

作者: goldwater 時間: 2014-6-4 18:52

引用:

原帖由 goldwater 於 2014-6-3 09:14 發表
早前聽個朋友講古仔，人體就如宇宙一樣，有中心，上下，左右，前後，如果任何一方失去平衡就會出現毛病，好多時候見啲朋友關節，腰背，坐骨神經痛，西醫角度叫做勞損，而朋友解釋是肌肉失去平衡，某一點長期受壓所至，所以有人會去推拿按摩，做完 ...

相信有唔小脊椎稚位病人，會搵脊醫復位，但無論復幾多次，病情都無法改善，點解？因為問題並非出至脊椎，而是脊椎兩旁筋肌不平衡引起。

作者: goldwater 時間: 2014-6-7 17:10

拉筋對五臟六腑有一定幫助，朋友提到身體內臟亦由筋膜固定位置，拉筋正確義意就是鬆，令身体的內膜能夠回復柔軟度，
令內部血氣能夠運行得好啲；
太極其實係一種好好嘅運動，亦是相當唔錯嘅氣功，因為當練習套路時就是將全身放鬆情況下走圓，做到拉筋效果，同時在非刻意，而又自然的情況下練到血氣走遍全身，所以有云常練太極百病消嘅道理。

作者: goldwater 時間: 2014-6-8 21:19

簫宏慈拉筋拍打治病，經朋友指導分析後，有導人迷信感覺，就如坊間有部份所謂的中醫推拿一様，越整越傷，先講拍打手法，要全身整條經絡去拍打，身體某部份受到痛感，大腦就會發出保護意式，發出命令，收緊某位置筋膜，長期受到痛感刺激，筋膜就會越收越緊，直至失去大部份知覺，筋膜收緊，形態上就出現所謂的筋縮狀態，冇病攪到有病，
部份中醫推拿一椽，因為筋緊要用力推，要鬆就會痛，痛完就會鬆，點知越推就越失去知覺。

[ 本帖最後由 goldwater 於 2014-6-8 21:21 編輯 ]

作者: goldwater 時間: 2014-6-9 20:33

朋友意見拍打是針對因為筋膜增生而失去知覺的部位，目的是要刺激其恢復筋膜回復柔軟，令被壓迫的微輸血管及神經重生。

歡迎光臨至尊論壇 (http://option-king.net/bbs/)