至尊論壇 - Powered by Discuz! Board

標題: 賭場 [打印本頁]

作者: goldwater 時間: 2014-4-21 20:16 標題: 賭場

第1集,賭具

個個人都話衍生工具嘅作用係對沖風險，全部都係大話，窩輪，牛熊證，期指，期權全部都係賭博工具，金水同大家都是散戶，散戶角式就係賭仔，所以要知道點解你會成日輸，點解成日要去入數比證券行再嚟過，聽完金水分折之後，你就會知道點解比過馬交更加糟！
仲有，點解呢幾年無論技術分析或基本分析都失較？聽完整個故事就會明白！

作者: fatpat 時間: 2014-4-22 10:53

Expecting the story

作者: goldwater 時間: 2014-4-22 14:18

第2集. 莊家？

相信好多朋友仍然好似以前金水一樣，買窩輪或牛熊證以為發行商就係莊家，原嚟呢個諗法係錯，發行商嘅角色只係賭塲嘅艇仔，千方百計揾客(散戶)去賭塲，賺果雞碎咁多嘅佣金，有時唔夠數就做吓啲假成交增加收入，如果唔係過份，真正嘅莊家都會隻眼開隻眼閉，太過份的話莊家咪報警拉人封艇，講咗咁耐，應該知道呢班發行商只係代理人，冇接受過一分一毫嘅賭注，下節帶大家嘗試抽出真正莊家，睇吓有冇辦法改變整個賭局形勢。

作者: ~family~ 時間: 2014-4-22 21:47

引用:

原帖由 goldwater 於 2014-4-22 14:18 發表
第2集. 莊家？

相信好多朋友仍然好似以前金水一樣，買窩輪或牛熊證以為發行商就係莊家，原嚟呢個諗法係錯，發行商嘅角色只係賭塲嘅艇仔，千方百計揾客(散戶)去賭塲，賺果雞碎咁多嘅佣金，有時唔夠數就做吓啲假成交增加收入，如果 ...

金水師兄,好祈待

作者: goldwater 時間: 2014-4-23 13:53

(3).莊家1.

無論大小股票，都有其自己嘅莊家，港交所除咗係賭塲老闆之外，亦係本地其中一個大莊，每租出一個賭廳或枱，都要經佢批准同比錢佢賺，但港交所只係一個部門，而掌舵CEO實際是香港政府，因為香港政府持有其他指數成份股比重都相當高，所以香港政府除咗係賭塲真正老闆外，更是全港期指期權最大莊家，亦是指數窩輪及牛熊證真正主腦，所以你一踏入賭場，所下嘅投注額全部由香港政府接受，有好多人都會諗，莊家接受賭注之後，再在市塲對沖風險，呢一點可以話比大家知，咁諗絕對係錯，下一節或再探討究竟你同邊個對賭，是否如大家想法，將收受番嚟嘅賭注毋須對冲風險。

作者: cowbearcar 時間: 2014-4-24 11:45

無錯！最大的莊係政府，連大鱷都打得走。

作者: goldwater 時間: 2014-4-24 14:29

莊家(2)
上面內容知道股市最大莊家係政府之後，你就清楚究竟同邊個對賭緊，經常聽啲網友講你買升，我買跌，你就係我對手，呢個諗法當然錯，例如去賭場坐落一張大細檯，買大嘅係咪同買小嘅對賭？莊家話大小通吃就知乜嘢事啦！所謂十賭九輸，仲有一句，呢句你哋一定要識，識咗之後就知點解會長賭長輸，呢句係「有殺無賠」，其實真正嘅莊係呀爺，呀爺單控制水源
，仲控制埋消息，見人多睇升勒，佢咪玩轉向，多人睇大插，佢咪抽番轉頭蘿，所以呢幾年真係玩死唔小大師專家。

作者: optionbaby 時間: 2014-4-24 14:52

最明显就系港股直通車

作者: Terencelau888 時間: 2014-4-24 19:07 標題: 回復 7# goldwater 的帖子

明天再續

作者: goldwater 時間: 2014-4-25 11:14

財演
今日磛停講莊家，先講講財演，其實一直以來好多人輸打贏要，羸嘅就話某財演水準高，輸嘅就話人係明燈，大佬，人哋推介是否落注自已決定，邊有咁唔公平嫁？不過今日唔係想話信與唔信，係想大家知道財演並非收咗莊家錢而大唱某隻股票，金水認為只是技術問題，舉例，大部份大牛市或大熊市，一般技術指標可以背馳再背馳，反轉再反轉，通常身在股海會隨市場氣氛影響，呢樣可以肯定嘅，除非你可以做到畢菲特一樣，見好即收，賣仔莫摸頭，話之佢將來生定死啦！先是錯，到最後都是啱，正所謂「有本事袋落自己袋，先至係自己嘅銀紙」。

作者: cowbearcar 時間: 2014-5-12 05:16

反而覺得總有班人刻意做財演，幫大戶做野。
利益是無形既，避開把關刀都差好遠了！

作者: goldwater 時間: 2014-5-15 10:10

今日繼續講一講莊家

香港股市除咗香港政府係最大莊家之外，以前係分三個派系輪流打莊，1)本地幫 2)外資 3)中資，佢哋操作嘅手法各有同，而最有實力當然係本地幫啦，而家簡單分柝下各幫派嘅特式，先講中資，佢哋打莊係最衰，大小通吃，佢哋打莊個市一定仆街，趕盡殺絕。

作者: goldwater 時間: 2014-5-15 18:20

跟住講吓班外資佬，以前就係過江龍，但金融海嘯後就變成冇牙老虎，以前點巴閉就唔駛講，但今時今日就冇哂話事權，淨係死淨巴口，所以可以不理；
剩番落嚟就係本地幫，正所謂猛虎不及地頭蟲，財雄勢大，响梁振英未選特首之前個個都好齊心，但今時今日就已經分成兩派，所以本地幫都分成A,B兩派，大家唔齊心，揾錢當然冇以前咁易，但有時利之所在，唔多唔小都有機會坐埋一齊，揾吓着數。

作者: goldwater 時間: 2014-5-17 13:36

A係以大地產商為首的傳統本地幫，以前中資未插手港事務之前，傳聞李嘉城肯買貨，個市有排升，1號唔升，大市冇運行！所以佢哋嘅作風係有錢齊齊揾，((稍後時間會講個原因大家就明)，
至於B，其實大部份都係一幫人，但因為政治勢力情況下出現分化，而佢哋嘅大佬就係香港政府388，下便又分成兩個派系，實力派係17新世界，澳門幫啦，因為政治壓力冇辦法唔站邊，佢哋雖然分咗B，但對傳統本地幫亦感情深厚，另一派就係擦鞋幫，以前冇能力揾著數，今日因老爺得勢，以權謀私，正所謂一朝得志，語無輪次，無論過唔過檔嘅本地幫都怕咗佢哋，所以將來亂港者就係呢班又冇錢，又冇智慧嘅擦鞋幫，輪到B派打莊時，人心散慢，無大作為，尤其擦鞋幫以權謀私，人民股民又邊度有運行呢！

直至最近祖國反貪腐，希望以最低震撼力，進行改革，但一值以來見B攪到一塔糊塗，以維穩的大前題下，所以揾A幫重掌莊家大印，作為一個小股民，當然希望有好嘅開始，股市進入大牛時代，但亦唔可以睇得太高，因為當真正有初步成績時，小人就會攪攪陣！

作者: goldwater 時間: 2014-5-18 14:52

今日講係本地幇打莊嘅手法，其實衆所週知首富、龍頭、大地主，最有錢果幇莊家打莊，大市必定有運行，點解？其實好簡單，股市升跌，唔係靠把口就掂，要講實力，就算吹到天花龍鳳都係假嘅，都係得個吹字，大家睇吓美國佬就知，一印銀紙，成個股市都可以起死回生，仲要創埋新高，所以冇得呃人，要升市就先要知道邊位打緊莊！打唔打得起莊先！暫時估計本地A剛接莊家大印，相信本地B都會支持一段，尤其舊一班實力派，所以相信個市有機會推穿250，但千其唔好開心得太早，上次提過，擦鞋幫一見有小小成績一定會攬散佢，所以要見步行步，

而好多散戶成日諗買入股票用期權去對沖風險，真係對沖得到？簡直就開玩笑，搵自己笨，呢啲把戲咪莊家製造出來比散戶玩，應該話係莊家玩散戶嘅把戲先正確。

作者: goldwater 時間: 2014-5-19 19:11 標題: 賭客

作為一個賭客，最成功係要點做？當然係跟紅頂白啦，莊旺咪跟莊，閒旺咪跟閒，就好似啲窮鬼打莊要點做？窮鬼打莊往往係打唔起莊嘅，咁我哋賭客應該點做好？答案係打唔起莊個市咪反覆上落，咁我哋就做short為主，兩邊抽吓水，就係所謂嘅收息計劃嘞。

作者: optionbaby 時間: 2014-11-12 11:45

有冇師兄/姊睇過以下《對赌》：
http://hd.stheadline.com/special ... et_redem/index.html
有冇好野介绍？

歡迎光臨至尊論壇 (http://option-king.net/bbs/)